Urrats Bat

Urratsbat  Eusko Jaurlaritzako Hezkuntza Unibertsitate eta Ikerketa Saileko Lanbide Heziketako Sailburuordetzak bultzatutako eta TKNIKAk koordinatutako Lanbide Heziketako ikasleak euren enpresa sortzen laguntzeko programa da.

Urratsbatek ikastetxeak enpresen haztegi eta inkubagailu bilakatzearen alde egiten du. Ikastetxe guztietan ikasle ekintzaileek eskura dute Ekintzailearen Bulegoa, behar bezala hornituta dagoen eta zerbitzua dohainik eskaintzen duen bulegoa.

Enpresa proiektuetarako behar izanez gero, programan parte hartzen dutenek beste instalazio batzuk erabili ditzakete, adibidez ikastetxeko tailerrak ikerketa prozesuan dauden produktuen prototipoa egiteko.

Ikastetxe bakoitzean bada enpresa proiektuetara erakarri eta horiek suspertzeaz arduratzen den pertsona. Kanpoko aholkularien laguntzarekin, ikasturte bakoitzean ikastetxeko ikasleek bultzatutako enpresa bat sortzea da bere helburu estrategikoa.

• Lehen maila: Ekintzaileak bilatzea erakarpen programen bitartez. Hortik enpresa aurreproiektuak irtengo dira, ikasle ohiei gutunak bidaliz eta programa zereginetako ikastaro eta ikastaro jarraituetara zabalduz.
• Bigarren maila eta ondorengoak: Urteko enpresa bat sortzea.

Pertsona sustatzailea memoriak, fitxak eta Tknika zentroak duen Euskadiadi plataforman argitaratzen den gainerako dokumentazioa prestatzeaz arduratzen da.

Koordinazio bileretan egon behar du.

Ekintzaileak hartu, eta enpresa sortzen duten arte tutore eta sustatzaile lanak egiten ditu.

Kanpoko agentziarekin (Ajebask) aldian behingo kontaktua du.

Sortutako negozioen ibilbidea jarraitzen du.

Programa sustatzen duten irakasleen lanak, zuzendaritza taldeen gidaritzak, kanpoko aholkularien profesionaltasunak, Tknikaren koordinazioak eta beste erakunde batzuen laguntza estimagaitzak, hala nola, Eusko Jaurlaritzako Industria eta Enplegu kontseilaritza, Foru Aldundia eta bankuak, proiektu guztietan emaitza arrakastatsuak lortzea ahalbidetzen du.